临近新春
周围都热热闹闹
娱乐圈喜事一件接一件
文凯玲Connie
前日就喺平台宣布
即将喺3月同拍拖五年嘅
外籍男友Jason拉埋天窗啦
上礼拜喺过大礼日子
两个人跟足中式传统
晒出堆到人咁高嘅聘礼
金银珠宝、鲍参翅肚摆满地面
仲有比面仲大嘅心形花胶扒
真係架势十足
两位准新人喺一堆聘礼入面
难掩喜悦之情
笑到见牙唔见眼
/////
讲起Connie
佢呢几年参演嘅唔少作品
都令观众留低深刻印象
喺最近热播嘅《状王之王》中
佢饰演一位青楼“连环杀手”老板娘
从任人欺凌嘅柔弱女子
到丧心病狂嘅叶三娘
角色嘅变化很大
演技得到观众认可
而上年《一舞倾城》中
“Money姐”一出场
肤白貌美、凹凸有致嘅身材
Connie让大家眼前一亮
完全睇唔出佢已经40岁啦
想当初
大家对佢嘅印象
係靠着一脱成名嘅“晶女郎”
讲返起以前拍片的尺度
Connie就话冇后悔过
而呢几年
佢逐渐抛开性感路线
开始努力打磨演技
挑战师奶、妈妈等唔同嘅角色
遇上自己嘅如意郎君
两人已经拍拖五年
Connie自己都忍唔住透露
两人拍拖一年时
男友已经在烛光晚餐后向佢求婚啦
~呐~
如今Connie事业、爱情双丰收
祝两位准新人甜甜蜜蜜啦
同时期待Connie之后
带更多惊喜嘅作品俾我哋众啦
资料来源:微博等
网络综合信息整理
编辑:饶禧
审核:曾敏妍
签发:骆苹
>>>
一次过get可乐报详细内容
羊城晚报报业集团旗下的粤语生活类报纸,广东省唯一一份粤语刊物。广州至潮至IN的吃喝玩乐,湾区潮流资讯风向,统统喺晒度!
微信公众号、微博、微信视频号、喜马拉雅 @可乐生活Color
哗哩哗哩、小红书 @Color班马
抖音@可乐生活
官方商务合作QQ:1902182069(请注明来意)
官方微信号:靓仔可乐君(handsomecolor)(请注明来意)